Իսլանդիայի երիտասարդական հավաքականի գլխավոր մարզիչ Էյոլֆուր Սվերիսոնը «Հրազդան» մարզադաշտի ասուլիսների սրահում պատասխանեց լրագրողների հարցերին:

 - Ի՞նչ հույսերով եք եկել:

- Բոլոր խաղերին էլ մեկնում ենք հաղթելու համար, կաշխատենք հաղթել նաև այս խաղում:

 - Ուսումնասիրե՞լ եք մեր հավաքականին:

- Դեռ ոչ, նրանք ոչ մի խաղ չեն անցկացրել, բայց գիտեմ, որ Հայաստանի հավաքականը լավ թիմ է՝ դատելով նաև նախորդ կազմից: Դժվար խաղ կլինի:

 - Ո՞վ է խմբի ֆավորիտը:

- Ֆրանսիան է ֆավորիտը: Իսլանդիան, Հայաստանը և մյուս թիմերը կպայքարեն երկրորդ տեղի համար: Ո՞վ ավելի ցանկություն կունենա, կպայքարեն նաև երկրորդ տեղի համար:

 - Բելառուսի հավաքականի դեմ հաղթանակը որքանո՞վ էր կարևոր Ձեզ համար:

- Նոր շրջափուլ էր և չգիտեինք, թե ինչ թիմ ենք, որ տեղում ենք: Հաղթանակը հավատ է ներշնչում: Բելառուսի դեմ խաղը շատ դժվար էր նաև կարմիր քարտ ստացանք վերջին րոպեներին:

 - Կա՞ն խաղացողներ ովքեր ազգային հավաքականի հավակնորդներն են:

- Հուսով եմ: Այն թիմի ֆուտբոլիստները, ովքեր 2011-ին հայտնվեցին եզրափակիչում, հիմա բոլորն ազգային հավաքականում են:

- Այս Իսլանդիայի հավաքականն է ուժեղ, թե՞ այն թիմը, որտեղ դուք եք խաղացել:

- Ինձ թվում է, որ այս թիմն ավելի ուժեղ է:

 - Բելառուսի հետ խաղի կազմը պահպանվելու է:

- Լրիվ նույն կազմով կխաղանք:

 - 2000 թվականի Եվրոպայի առաջնության ընտրական փուլում խաղացել եք Հայաստանի դեմ: Հիշու՞մ եք այդ խաղը:

- Շատ բան չեմ հիշում: Գլխով պայքար էր շատ:

 - Որո՞նք են ձեր ուժեղ կողմերը:

- Ֆիզիկապես ուժեղ թիմ ենք: