Հունիսի երեքից ֆուտբոլի Հայաստանի հավաքականը հանգրվանել է Ֆուտբոլի ակադեմիայում և պատրաստվում է հունիսի 7-ին և 11-ին կայանալիք Մալթայի և Դանիայի դեմ հանդիպումներին:

Հունիսի երեքին հավաքականի երկրպագուների և լրագրողների ներկայությամբ հավաքականն անցկացրեց իր միակ բաց մարզումը: Այն տևեց մոտ մեկ ժամ:

Մարզումը  բաց թողեց հավաքականի հարձակվող Յուրա Մովսիսյանը, որը դեռ Լոս Անջելեսից Երևան վերադառնալու ճանապարհին է: 

Հունիսի 4-ին ՀՖՖ տեխնիկական կենտրոնում՝ Ֆուտբոլի ակադեմիայում ազգային հավաքականը կանցկացնի երկու փակ մարզում, իսկ հունիսի 5-ին մեկ փակ մարզում Վազգեն Սարգսյանի անվան «Հանրապետական» մարզադաշտում:

Այնուհետև, հունիսի 6-ին կանցկացնի ևս մեկ մարզում: Հունիսի 7-ին՝ ժամը 20:00-ին, Վազգեն Սարգսյանի անվան «Հանրապետական» մարզադաշտում տեղի կունենա 2014 թ. Աշխարհի  գավաթի խաղարկության ընտրական փուլի Հայաստան-Մալթա հանդիպումը: