Մոսկվայի «Դինամոյի» և Հայաստանի հավաքականի դարպասապահ Ռոման Բերեզովսկին Ռուսաստանի և Պորտուգալիայի հավաքականների հանդիպումից առաջ Sportbox.ru-ի թղթակցի հետ զրույցում իր հիշեղություններով է կիսվել 2007 թվականին կայացած Հայաստան - Պորտուգալիա խաղից:
- 2007 թվականին դուք բավական հաջող խաղացիք պորտուգալացիների հետ՝ 0:1 և 1:1: Ինչո՞վ հիշվեց Ռոնալդուն:
- Համաշխարհային մակարդակի խաղացողների հետ խաղալը շատ հետաքրքիր է: Մեսսիի դեմ չեմ խաղացել, փոխարենը հանդիպել եմ Կրիշտիանուին: Մեր թիմը շատ լուրջ էր պատրաստվում այդ խաղերին և, կարծում եմ, որ պորտուգալացիների հետ լավ խաղացինք: Հակտապես Երևանում կայացած առաջին խաղում: Մենք բացեցինք հաշիվը խաղասկզբում, բայց Ռոնալդուն առաջին կեսի վերջում ինչ-որ անհավանական գոլ խփեց: Նա ամեն ինչ միայնակ արեց. խաբս տվեց պաշտպաններին և հասավ գրեթե դիմային գծիեց: Նման սուր անկյունից գրեթե անհնար էր գոլ խփելը և նրա դիրքից միայն փոխանցում էր սպասվում, բայց նա աջ ոտքից գնդակը գցեց ձախ ոտքին և գրավեց հեռավոր անկյունը: Նման բաներ հաճախ մինի-ֆուտբոլում կարելի է տեսնել: Ռոնալդուն կարողացավ դա անել դարպասային հրապարակում: Նա շատ խորամանկ է և դա իր գլխավոր զենքն է:
- Նկատվում է, որ պորտուգալացիների առաջատարի մոտ, երբ խաղը չի ստացվում նա սկսում է նյարդայնանալ և սադրանքների դիմել:
- Հայաստանի հավաքականի դեմ խաղում նրա մոտ հենց այդպես էլ ստացվեց. խաղը չէր ստացվում չնայած այդ գոլին: Սակայն նրա կողմից ինչ-որ արտասովոր բաներ չնկատեցի, չնայած, որ հասկանալի էր. պորտուգալացիները շատ էին ցանկանում հաղթել: Ընդհանուր առմամբ կարծում եմ, որ մեր պաշտպաններին հաջողվեց նրանց դիմակայել: Հավատում եմ, որ Ռուսաստանի հավաքականը կկարողանա հաջող խաղալ պորտուգալացիների դեմ պատասխան խաղում:
